Да живее фикусот – Џорџ Орвел

Да живее фикусот – Џорџ Орвел

Претходник на неговите попознати дела Животинска фарма и 1984, Да живее фикусот е Орвелова општествена критика, во која ја доловува борбата на еден млад, амбициозен писател, Гордон Комсток, со речиси совршено внимание на психолошките детали, истражувајќи го јазот помеѓу уметноста и животот. Гордон живее во Лондон во триесеттите години од 20тиот век, според свои принципи и идеали по цена на глад, беда и егзистенцијален опстанок. Тој е решен да остане ослободен од „светот на парите“ на профитабилни работни места, семејни обврски и видот на сигурност симболизиран од домашното растение фикус што стои на секој британски прозорец од средната класа. Бунтувајќи се против системот и „богот на парите“, на крајот се наоѓа пред избор дали да ја остави својата девојка, Розмари, во живот исполнет со општествен срам или да се ожени со неа и да се врати на достоен живот прифаќајќи работа во угледна маркетинг агенција.