Џон Карпентер

Џон Карпентер- Џон Карпентер е еден од најдоследните холивудски раскажувачи. Тој е независен филмски уметник со силна лична визија, како и талентиран писател и композитор, а самото негово име привлекува луѓе во киносалите. Во основа, неговата репутација е изградена врз еден најзначаен талент – неговата способност да раскаже приказна и тоа да ја раскаже добро, без оглед дали се тресете на „The Shape/Облик“, навивате за враќањето на Стармен (Човекот кој падна од ѕвездите) дома, зјапате со широко отворени очи во гротеските во „Суштество”, пеете со „Елвис“, правите гримаси со „Змија“ или ви снемува гуми за џвакање со Нада. Оние кои го етикетираат како режисер „единствено“ на забавен жанр, ја игнорираат неговата улога на пионер на продолжувањето на формализираната холивудска наративна форма, уметност која вообичаено е поразена од модерни и мноштво нескромни техники во современата кинематографија. Повеќе од 30 години неговите филмови ја забавуваат публиката, но повеќето речиси и не застаруваат споредено со некои современици – на пример: Напад на полициската станица број 13, изгледа исто толку свежо како и на денот кога беше за прв пат прикажан; неговото насилство е сѐ уште шокантно, музиката сѐ уште ефективна, а дијалогот и неговата изведба се сѐ уште првокласни, сето тоа во филм чиј буџет од 100 000 американски долари не би ги задоволил потребите за кетеринг на просечен холивудски филм. Ова е така бидејќи постои многу важна визија, конзистентност на работата на Карпентер која осигурува повторно гледање и претставува единствен, обединувачки поглед на светот. Тој е автор.