Верниот љубовник – За книгата Верниот љубовник, Масимо Бонтемпели ја добил најпрестижната италијанска литературна награда Стрега во 1953 година. Oва дело e збирка од петнаесет раскази напишани меѓу 1940 и 1947 година и е негово последно литературно дело; во оваа смисла „Стрега“, покрај награда за книга, претставува и еден вид награда за животно дело. Верниот љубовник е книга потопена во хуморизмот на Бонтемпели: елемент кој се изразува повеќе на смешен, отколку на зајадлив начин дури и кога е остар.
